بانکی ناوەندی عێراق لە بارەی ساختەکردنی دینارەوە لێدوان دەدەن

بانکی ناوەندی عێراق رایگەیاند، رەتی دەکەنەوە کە ئاماژەیان بە ساختەکردنی دراو دابێت لە ماوەی رابردوودا و دەشڵێت. “دراوەکانی ١٠ هەزاری و ٢٥ هەزاری و ٥٠ هەزاری پارچەیەکی روونی پێوەیە کە بە ئاسانی کۆپی ناکرێن.”

ئیحسان شمەری راوێژکاری بانکی ناوەندی بە ئاژانسی هەواڵی عێراقی راگەیاند، دراوەکانی ١٠ هەزاری و ٢٥ هەزاری و ٥٠ هەزاری پارچەیەکی روونی پێوەیە کە بە ئاسانی کۆپی ناکرێن و ئەو دەنگۆیانەشی باس لە بوونی دراوی کۆپی و ساختە دەکەن ئەگەر راست بن کۆپییەکان زۆر لاوازن و ئاسان دەناسرێنەوە.

ئاماژەی بەوەشدا، دراوی ٢٥ هەزاری کە لەلایەن بانکی ناوەندییەوە پاڵپشتی دەکرێت پارچەیەکی روونی پێوەیە کە ئەگەر لەسەر رووتەختێکی سپی دابنرێت وێنەیەکی رەنگاورەنگ تیایدا دەردەکەوێت و ئەگەریش لەسەر رووتەختێکی رەش دابنرێت چەند نووسینێک دەردەکەوێت.

باسی لەوەشکردووە، لە کۆپیکردنی دراوە ساختەکاندا نەتوانراوە ئەو پارچە روونە بە باشی کۆپی بکەن و رەنگەکەی پەمەییە و روون نییە و ئەو ٢٥ هەزاریانەی ئێستا لە بازاڕدا هەن تەنها ٢٥ هەزاری پاڵپشتیکراون لە لایەن بانکی ناوەندییەوە.

میدیا مەگەزین