نێرگەلەکێشان لە شوێنە گشتییەکانی قەدەغەکرا

کێشان، فرۆشتن و پێشکەشکردنی خزمەتگوزاری نێرگەلە لە شوێن و پارکە گشتییەکانی ئیستانبوڵ قەدەغەدەکرێت.

ئەمڕۆ چوارشەممە 5ـی 7ی 2023، داود گول، پارێزگاری ئیستانبوڵ لە راگەیەندراوێکدا کە لە هەژماری فەرمی خۆی لە تویتەر بڵاویکردووەتەوە دەلێت: بۆ رێگریکردن لە سووتانی دارستانەکان، بێزارکردنی خەڵک لە شوێن و پارکە گشتییەکان و نەهێشتنی دیمەنی نەخوازراو لە کەنار ئاوەکان کێشان، فرۆشتن و پێشکەشکردنی خزمەتگوزاری نێرگەلە لە شوێن و پارکە گشتییەکانی ئیستانبوڵ قەدەغەدەکرێت.

هاوکات پارێزگاری ئیستانبوڵ راشیگەیاندووە، بڕیارەکە ئەو رێستۆرانت و کافێیانە ناگرێتەوە کە مۆڵەتی پێشکەشکردنی نێرگەلەیان هەیە.